Սարոյանի անվան պատմվածքի միջազգային մրցույթ

Հայտադիմումի ուղեցույց
 

Մրցույթը բաց է բոլոր ազգությունների 18 տարեկանից բարձր հեղինակների համար։ Թարգմանությունների դեպքում անհրաժեշտ է նշել թարգմանչի անուն-ազգանունը։

 

• Պատմվածքները չպետք է գերազանցեն 3500 բառը

• Ձևաչափի պահանջները՝ Times New Roman, 12 տառաչափ, 1.5 միջտողային հեռավորություն

• Խնդրում ենք նշել բառերի քանակը առաջին էջի վերևում

• Խնդրում ենք չկցել  շապիկի կամ վերնագրի էջ

• Հայտադիմումները պետք է ուղարկվեն Word ձևաչափերով
   

Հայտն անհրաժեշտ է ուղարկել info@yerevanbookfest.com էլ. հասցեին՝ վերնագրում նշելով անուն, ազգանուն, երկիր (օրինակ՝ Հովհաննես Գրիգորյան | Հայաստան)։ Նամակին անհրաժեշտ է կցել նաև

• Կոնտակտային տվյալներ

• Լուսանկար

• Անգլերեն կենսագրություն (CV)

 

Հայտերի ընդունման վերջնաժամկետ՝ 2026 թ. օգոստոսի 10։
 

Մրցույթի փուլեր
 

Փառատոնից երկու օր առաջ կհրապարակվի կարճ ցանկը։ Փառատոնի փակման արարողությանը կարճ ցանկում ընդգրկված հեղինակների ներկայությունը ցանկալի է:
 

Արդյունքներ և մրցանակ
 

Սարոյանի անվան պատմվածքի մրցույթի հաղթողի անունը կհայտարարվի Գրքի երևանյան միջազգային փառատոնի փակման արարողության ժամանակ՝ սեպտեմբերի 6-ին: Հաղթողը կստանա Վիլյամ Սարոյանի վրձնին պատկանող կտավ, որը մեծահոգաբար նվիրաբերում է Սարոյան հիմնադրամը։
 

Սարոյանի անվան մրցանակի ժյուրիի անդամներ
 

• Սքոթ Սեդրակյան, ԱՄՆ, Սարոյան հիմնադրամի նախագահ

• Լիլիթ Մելիքսեթյան, Հայաստան, բանասիրական գիտությունների թեկնածու, պրոֆեսոր

• Լուսինե Խառատյան, Հայաստան, արձակագիր, «Սարոյան» մրցանակի հաղթող

• Մայքա Հիլսոն, Անգլերենի դոկտոր, ասիստենտ-պրոֆեսոր

• Յորգոս Կուտուվելաս, Բանաստեղծ, պրոֆեսոր

• Մարիսա Մարտինես Պերսիկո, Գրող, իսպանական և լատինաամերիկյան գրականության բանասիրական գիտությունների թեկնածու

 

Փառատոնը տեղի կունենա սեպտեմբերի 4-6-ը Հանրապետության հրապարակում՝ Հայաստանի ազգային պատկերասրահում, Հայաստանի պատմության թանգարանում և Ե. Չարենցի անվան գրականության և արվեստի թանգարանում։ ​​​Այս տարի փառատոնի գլխավոր թեման լեզուն է, որը ստեղծում է ոչ թե սահմաններ, այլ կամուրջներ։